א בלינדע לעכטל

נאך א שפאלט. נאך א פלעק. א ברעקל. א שטויב. אונטער דער ערד, העכערן הימל. קראצן. שארןַ רייבן. קערן.

גייטס. באפרייטס. די לופט דא שטיקט. די שטוב איז קריסטאל, דאס האלץ איז פון שפיגל.

א מלחמה אויף טויט, מיט פינטעלעך שטויב. פיצלעך ספק. ברעקלעך עפעס. באזיגט איין ביי איין. פארטריבן. צעריבן. פארבליבן - בלויז צען.

גייטס. באפרייטס. ענקער וועזן שטיקט. דאס ליכטל ציטערט. דער פעדער שאקלט בלויז א קאפ.

ביז איין ווינקל -

נאך א שקר. נאך א פעלער. קנוילן גאווה. א שימעל קנאה. אין קעלער אונטערן ריפ. טיפער פונעם בלוט. שווייגן. דעקן. שלאפן.

נאר דאס פליישיגע קאמער - עסט נאך חמץ. מידות. נטיעות. נגיעות. אלטע. טראציגע. בליעות.

גייטס. באפרייטס. די נשמה שטיקט. דער ארום פייערט חירות. אבער דא ראָסט קייטן.

דער אינערליכער בוידעם. קלעביג. און נאס. נאך א טעות. נאך א שקר. איינגעשלונגען איין ביי איין פארזיגלט. פארזויערט. פארבליבן - טויזנט און צען.

גייטס. באפרייטס. דער אמת שטיקט. דער קנעכט קרוינט זיך קעניג. דאס הארץ שאקלט בלויז א קאפ.

אבער אונטערן ווייסן קיטל. א פארשטויבטע הארץ. פארגעסן. פארלאזט. אינעם דרימל. טומל. ער אטעמט ווייטער. ווידער. קנעכטשאפט.

גייטס. באפרייטס. גלות שטיקט.