א קלוגע היים

טעפיכער נישט געמאכט צו קלינען יענעמס גרינער נישט צום פארגינען בלומען טעפ אן קיינע וואזן עס פעלט זיי קיין וואסער צו שפייזן א וואסערפאל פאר די געהירן געבויט נאטורליך ס׳זאל זיך שפירן לאנדשאפט, אויסשטאפירט פארמעגליך שטיינדעלעך געפלאסטערטע וועגלעך לעקטער אויף אויטאמאטישע זייגער פאר יעדע נאטור און שטייגער א נויז מאשין בעסער צו דרימלען וואלפאפיר מיט א אויסוואהל פון הימלען די טערמעסטאט אויך פארגעשריטן היץ, קעלט און אלס אינדערמיטן א וועקיום קלינער אויטאמאטיש פיצל קליין, קלוג, ראבאטיש פאדלאגעס וואס וואשן זיך אליין אויס שויערס וואס האלטן א ריין הויז פון זיך אליינס דורשט אפשטילט ער קראנען מיט אריינגעבויעטע פילטער א זון-דאך פאר די שטראלן וועט נישט שאדן און מאטאראזירטע וואלענע לאדן אויך א פרידזש וואס פולט זיך אליין אן אין פראדוקציע רונדעס גייען אן מוזיקאלישע נאטן קוויטשקען אינסטראמענטיש אין יעדן שטיבל באזונדער פאטענטיש א הייזקעלע העכסט סיסטעמאטיש איר אייגנטומער היפש בעל הבתיש איר מייסטער בויער ארכיטעקטיש געפלאנט געבויעט, און ער דעקט טיש.