א מבול · cheskygo

א מבול פון גוטס שוואוילטאג קויפער מבית ובחוץ פול, מיט כופר

אפן ביזן תהום פארשוועמט מאראל חוקי סדום די נייע נארמאל

פלינדערן יענעם די צווייטע האלב גלעזל א לעבעדיגע גיהנום פון טויט און גזל

א שטראם פארשוועמט כוואליעס אומעטום צופיצלט און צונעמט יעדע אינטש יקום

פארע און היצן צום טויט שטיקט כלו כל הקיצין אינטעליגענציע צופליקט

הייבט זיך די וואסער צו סכנה׳דיגע הייעך דעטראנקען א נאסער כאפט וואס שייך

צוגאנגען אנושית פארברענט איר מהות פארוואסערט די בושות אין צונאמי׳ס פון שטות

א מסורה מקובל אז מסורה איז פאנאטיש שיין איז איבל קלוג איז אויטאמאטיש

א רעגנבויגן פון קאלירן און רויעך בלינצן פאר די אויגן פארטעמען די מוח

אין דור המבול שווימען מיר אקארשט וואסער א מבול פארט א דארשט

לא צמא למים איבערגענוג מים זדונים בענקען צו שמים די מים התחתונים

א שטיבעלע פון האלץ בוי אויף מיט כח דיין אידישע שטאלץ איז א תיבת נח.