בענק׳ל

א בענקל, אויבנאן וואו קיינער טאר נישט זיצן קיינער טוט נישט און קיינער וועט נישט, נישט יעצט נישט מארגן אפשר מארגן הלוואי - מארגן!

עלנד, ליידיג עס בענקט דער בענקל א בענקשאפט נאגנד אומדערטראגנד.

די בענקל פון מיינע טרוימען די אנלאנער פון מיין שטארקייט. מיין עהרע - צעבראכן צעבויגן אפגעזויגן.

מיין אנלאנער! איך וויל זיך, אין דיר אנלאנען אין דיר אנכאפן נעמען שטארקייט דיר פילן זען - נאך איינמאל כאטש.

איז דיין בענקל דארט ערגעץ אין עולם הבא - שענער פרעכטיגער ווי די ליידיגע אפגעריבענע דא?!