ווייסע נאטן

מיליאנען נאטן פאלן פון הימל.

שורות, שורות געשריבן, געפירקלט מיט ווייסע טינט אויף א פארפרוינע בלאט.

א ווארעמע ניגון מיט קאלטע תנועות.

שטילע מעלאדיעס טראפן פון גן עדן פארפרוירן אין צייט.

א מוזיק ארקעסטער מיט סודות'פולע קלאנגען.

פייפט און בלאזט אראנזשירט און געשריבן מיט שפיאנאזש-טינט.

דער ווינט ער וויגט אויפן פידל פון ווינטער.

קראצט, גלעט אירע איידעלע ווייסע אומזעהבארע סטרונעס.

א ווייסע מעלאדיע פון אייזיגע קלאנגען.

מיט פויזעס שווארצע טריט וואו דער ניגון ווערט צעטראטן צום טויט.

שטיל, א ווידערקול מען הערט נישט, מ'פילט.

מ'פילט, די קלאנגען ווען עס לאנדעט אויף די הויט און עס צעגייט אין א ים פון שטילקייט.

א מאצאארט קאנצערט געשפילט דורך נאטור.

פאר מבינים - געניטע אויערן וואס הערן וואס זיי זעהען.

cheskygo · 2026↯ current